У залі на другім паверсе Дома кіно (цяпер, пасьля рэстаўрацыі касьцёла сьв. Сымона і Алены, заля не існуе) сабраліся некалькі сотняў навукоўцаў, літаратараў, мастакоў, журналістаў. За «круглым сталом» — Васіль Быкаў і Алесь Адамовіч.
Памятаю, у тыя дні маскоўская «Правда» надрукавала артыкул Васіля Быкава — ён тут жа, за тым самым круглым сталом, выправіў у маім асобніку рэдакцыйную купюру. Быкаў пісаў пра дэмакратызацыю грамадзтва.
